Is-Servizz ta’ Podjatrija

Is-Servizz ta’ Podjatrija huwa intiż biex jevalwa, jagħmel djanjosi u jittratta kundizzjonijiet ta’ anzjani relatati mas-sieq u l-parti ta’ isfel tal-ġisem. Il-Podjatrista li jifforma parti mit-team tal-Allied Health Professionals, joffri servizz ta’ diversi trattamenti għall-kura tas-saqajn, bħalma hija l-ġilda (e.g. felul, kallijiet u infafet); difer tas-sieq (e.g. difer li ħxien, bla kulur jew li kiber ġol-laħam); ħsara fis-sieq u lgħaksa u kumplikazzjonijiet oħra relatati mad-dijabete fis-sieq jew meta jkun hemm b’diffikulta fil-mixi.

X’SE TINGĦATA

Valutazzjoni u Trattament tas-sieq u l-kundizzjoni relatata tagħha

Eżami taċ-ċirkolazzjoni tad-demm u tan-nervituri tas-sieq.

Kull parir li jitqies meħtieġ.

ELIĠIBBILTÀ

Kriterji ta’ eliġibbiltà ġenerali:

Persuni anzjani li għandhom `il fuq minn 60 sena
Toqgħod f’Dar Residenzjali tal-Gvern jew tifforma parti mill-iskema ta’ Public Private Partnership
Jgħix fid-dar personali tiegħu u li ma jistax jaċċessa klinika tal-gvern minħabba saħħa u fraġilità. Jingħata wkoll Servizz lil anzjan li d-dar tiegħu għandha barrieri strutturali u meta ma jkunx hemm lift

DOKUMENTAZZJONI MEĦTIEĠA

Dokumentazzjoni ġenerali:

Applikazzjoni mimlija inkluż ir-Rapport Mediku ffirmat mit-tabib ta’ l-applikant
Lista ta’ kwalunkwe medikazzjoni li qed tittieħed
Jekk l-anzjan ikun qed jirċievi xi servizz ieħor (e.ż. infermiera fid-dar), Nota ta’ Informazzjoni minn dawn in-nies hija meħtieġa

Jekk għandek xi suġġerimenti, rakkomandazzjonijiet u ilmenti, jekk jogħġbok ikkuntattja

© Gvern ta' Malta

2026