aacc.gov.mt
Applikazzjoni għas-Servizzi għall-Anzjani
Anzjanità Attiva u Kura fil-Komunità għandu l-għan sabiex jippromovi anzjanità attiva kif ukoll kwalità ta’ ħajja aħjar għall-anzjani. Id-dipartiment jipprovdi diversi servizzi ta’ sapport u kura tas-saħħa permezz ta’ kura personalizzata li tiffoka fuq benefiċċji tanġibbli u kura sostenibbli fit-tul. Id-dipartiment jipprovdi wkoll servizzi fil-komunità bħala parti mill-impenn tiegħu sabiex ikompli jagħti sapport lill-anzjani li jgħixu fil-komunità u b’hekk jipposponi l-bżonn li jidħlu għal kura fit-tul.
Qatt Mhu Tard
L-Anzjanità Attiva u Kura fil-Komunità (AAKK) qed tipprovdi appoġġ finanzjarju għal proġetti ta’ letteratura lill-persuni minn 60 sena ’l fuq, biex tappoġġjahom fit-twettiq tal-ħolm letterarju tagħhom. Il-proġetti jistgħu jinkludu kitba u pubblikazzjoni, avvenimenti u festivals letterarji, edukazzjoni u taħriġ letterarju, riċerka u studji letterarji, proġetti ta’ traduzzjoni, kampanji ta’ qari u litteriżmu, proġetti letterarji bbażati fuq il-komunità, jew kwalunkwe sforz kreattiv ieħor li jagħti s-setgħa lill-anzjani jesprimu ruħhom permezz tal-letteratura u jinvolvu ruħhom mal-komunitajiet tagħhom.
Id-data tal-għeluq tal-applikazzjonijiet hija nhar il-Ġimgħa 23 ta’ Mejju 2025.
Kura tad-Dimensja fid-Dar
Dan il-kors huwa maħsub għal dawk il persuni li joffru kura lil membri tal-familja, qraba u ħbieb bid-dimensja. It-terminu “persuniali toffri kura lil tal-familja” jirreferi għal dawk il-persuni li jieħdu ħsieb il-qraba u dawk l-aktar għal qalbhom u ma jitħallsux formalment għas-servizz li jagħtu. Ir-riċerka stabbiliet li l-biċċa l-kbira tal-kura hija pprovduta minn dawn il-persuni li joffru kura lil tal-familja. Waħda mill-għanijiet tal-Istrateġija Nazzjonali tad-Dimenzja ta’ Malta 2013-2020, hija li ttejjeb il-kwalità tal-ħajja ta’ individwi li jgħixu bid-dimensja, il-persuni li joffru kura u l-membri tal-familja tagħhom.
Dan is-servizz huwa pprovdut minn San Vinċenz De Paul faċilità ta’ kura fit-tul, fi ħdan il-Ministeru għall-Anzjanità Attiva.
Tixjiħ b’Affezzjoni: Inkoraġġiment tal-Intimità, Sesswalità, u Konnessjoni
Din il-konferenza għandha l-għan li twassal għarfien dwar id-dinamika li qed tevolvi fir-relazzjonijiet u l-intimità hekk kif l-individwi jikbru fl-eta’. Permezz ta’ diversi diskussjonijiet f’panels, preżentazzjonijiet ta’ riċerka, pubblikazzjonijiet, u sessjonijiet ta’ posters, kelliema kemm lokali kif ukoll internazzjonali se jixħtu dawl fuq dawn is-suġġetti importanti.
L-għan ewlieni huwa li jiġu enfasizzati l-importanza tal-bidliet fl-affezzjoni u r-relazzjonijiet matul il-proċess tal-ħajja. Il-konferenza se tiffoka wkoll fuq il-ħolqien ta’ spazji siguri għal djalogu miftuħ bejn l-individwi, il-qrabat tagħhom, u l-professjonisti fil-qasam tas-saħħa, filwaqt li jiġu esplorati modi kif jiġu mtejba l-ambjenti lokali u s-servizzi biex jirriflettu aħjar dawn il-bżonnijiet.
It-Tariffa Early Bird tapplika sa’ 30 ta’ Marzu 2025.
Għal referenza, il-Programm tal-Konferenza huwa mehmuż ukoll.
Grazzi ħafna, nistennew bil-ħerqa l-parteċipazzjoni tiegħek!
iSupport għad-Dimensja
iSupport huwa kors ta’ għajnuna, imfassal mill-Organizzazzjoni Dinjija tas-Saħħa (WHO). Dan il-programm edukattiv onlajn huwa għal dawk li jieħdu ħsieb persuni bid-dimensja, u huwa disponibbli mingħajr ħlas. Il-kors għandu 5 taqsimiet u jieħu madwar 7 sigħat biex jitlesta kompletament. Meta tirreġistra fil-kors, tkun tista’ tagħżel li tagħmel it-taqsimiet u l-lezzjonijiet kollha konsekuttivament, jew tagħżel li tagħmel il-lezzjonijiet li huma l-aktar rilevanti għalik. Il-lezzjonijiet kollha jikkonsistu f’qari qasir, eżempji deskrittivi u diversi eżerċizzji. Min ikun qed jagħmel il-kors se jkun qed jirċievi feedback waqt li jkun qed jaħdem l-eżerċizzji. Jinħareġ iċ-ċertifikat meta il-parteċipant ilesti t-taqsimijiet u l-eżerċizzji kollha, flimkien mal-istħarriġ fuq il-kors.