Servizz ta' Kontinenza
Is-Servizz ta’ Kontinenza hu immirat li jtaffi problemi psikoloġiċi li għalih anzjan/a j/tista’ jkollu/ha minħabba problemi fil-bużżieqa jew fil-musrana li jirriżultaw minħabba f’inkontinenza. L-għan ta’ dan is-servizz hu li jipprovdi appoġġ finanzjarju lil dawn l-anzjani billi jiġu mogħtija prodotti ta’ kontinenza li huma ssussidjati fuq bażi parzjali jew sħiħ.
Stqarrija Uffiċjali Lulju 2024
L-Anzjanità Attiva u Kura fil-Komunità tixtieq ġentilment tavża lill-benefiċjarji li jagħmlu użu mis-Servizz ta’ Kontinenza li, mit-8 ta' Lulju 2024 'l quddiem, il-prodotti ta’ kontinenza għandhom jibdew jinġabru minn wieħed miċ-ċentri li hawn imniżżla aktar ’l isfel. Il-prodotti għandhom jinġabru fil-ġranet u l-ħinijiet indikati. Infakkrukom li l-persuni li jmorru jiġbru l-prodotti għandhom jieħdu magħhom il-Karta tal-Identità tal-benefiċjarju u l-Kartuna tal-Intitolament.
Ċentri ta' distribuzzjoni ta' Prodotti ta' Kontinenza
Drugsales Limited
Triq Idward
Park Nazzjonali Ta' Qali
Ħ'Attard, ATD 4000
Ħinijiet tal-ftuħ:
Mit-Tnejn sal-Ġimgħa
bejn l-10:00am u l-4:00pm
Is-Sibt bejn l-10:00 u n-12:30pm
_______________________________________________________________________________________________________________________
Drugsales Limited
48, Triq Mons. Dandria,
L-Imsida
Ħinijiet tal-ftuħ:
Mit-Tnejn sal-Ġimgħa
bejn l-10:00am u l-4:00pm
_______________________________________________________________________________________________________________________
F'każ ta' diffikultà jew mistoqsijiet, jista' jsir kuntatt permezz tat-telefown jew email fuq:
Drugsales Limited
Numru tat-telefown: 21419045
Email: inco@drugsalesltd.com
Ċentru Servizz Anzjan
Numru tat-telefown: 22788801 jew 22788809
Email: kontinenza.csa@gov.mt
X'SE TINGĦATA
Skema A:
Intitolament għall-provvista ta’ prodotti kompletament issussidjati, irreferi għal-lista indikata hawn taħt (skont ir-riċetta tat-tabib tal-pazjent u assessjar mill-Continence Nurse).
Skema B: Intitolament għall-provvista ta’ prodotti parzjalment issussidjati (skont ir-riċetta tat-tabib tal-applikant/a u assessjar mill-Continence Nurses).
ELIĠIBBILTÀ
Kriterji ta’ eliġibbiltà ġenerali:
- Skema A:
- F’pussess ta’ Karta tal-Identità Speċjali (SID-UE) valida maħruġa mill-Aġenzija Sapport u li jsofru minn inkontinenza kif iċċertifikat mit-tabib tal-applikanti. L-età tal-applikanti taħt din l-iskema trid tkun minn sentejn ‘l fuq.
- Skema B: Anzjani li għandhom minn sittin (60) sena `l fuq u li jsofru minn inkontinenza kif iċċertifikat mit-tabib tal-applikant/a.
DOKUMENTAZZJONI MEĦTIEĠA
- Applikazzjoni mimlija inkluż ir-rapport mediku ffirmat mit-tabib tal-applikant.
- Kopja tal-Karta tal-Identità Speċjali (SID-EU) għal min japplika għal Skema A.
Jekk inti tixtieq tnizzel l-applikazzjoni u timliha, segwi din il-link
Jekk tixtieq tgħaddi xi suġġeriment jew tagħmel xi lment jekk jogħġbok ikklikkja hawn
Skema B
| Prodotti | Prezz kull prodott | Prodotti | Prezz ta’ kull prodott |
|---|---|---|---|
| Ħrieqi | Pull-Ups | ||
| Ħrieqi Adulti Żgħar | €0.16 | Pull-Ups Adulti Żgħar | €0.20 |
| Ħrieqi Adulti Medji | €0.14 | Pull-Ups Adulti Medji | €0.20 |
| Ħrieqi Adulti Kbar | €0.20 | Pull-Ups Adulti Kbar | €0.23 |
| Ħrieqi Adulti Extra Kbar | €0.23 | Pull-Ups Adulti Extra Kbar | €0.24 |
| Pads | Inco-Sheets | ||
| Pads Tan-Nisa Żgħar | €0.08 | Inco-Sheets Żgħar 60x40 | €0.08 |
| Pads Tan-Nisa Kbar | €0.11 | Inco-Sheets Kbar 60x90 | €0.13 |
| Pads Tal-Irġiel | €0.08 | ||
| F’każ li l-applikant għandu bżonn ibiddel jew iżid xi prodotti, it-tabib personali tiegħek għandu jimla’ l-formola ta’ riferiment. Ikklikkja hawn biex tniżżel il-formola ta’ riferiment. |